Thursday , May 23 2024

سنڌ سرڪار، سنڌ پريس نيوز پيپر، نيوز ايجنسي ۽ بڪ بل 2017 تان هٿ کڻي وئي

ڪراچي( سنڌسماءَچار نيوز) سنڌ سرڪار صحافي ۽ ادبي تنطيمن جي اعتراضن کانپوءِ سنڌ پريس نيوز پيپر، نيوز ايجنسي ۽ بڪ بل 2017 تان هٿ کڻي وئي، جنهن کانپوءِ بل کي سنڌ اسمبلي ۾ پيش نه ڪرڻ جو فيصلو ڪيو ويو آهي، اي جي سنڌ جو چوڻ آهي ته صحافين ۽ اديبن سان مشوري بعد بل جو نئون مسودو تيار ڪيو ويندو. سنڌ سرڪار صحافي ۽ ادبي تنطيمن جي اعتراضن کانپوءِ سنڌ پريس نيوز پيپر، نيوز ايجنسي ۽ بڪ بل 2017 تان هٿ کڻي وئي آهي.

سنڌ سرڪار پاران بل کي هاڻي منظوري لاءِ سنڌ اسيمبلي ۾ پيش نه ڪرڻ جو فيصلو ڪيو ويو آهي. اي جي سنڌ ضمير گهمرو جو چوڻ آهي ته صحافي ۽ ادبي تنظيمن جي اعتراضن بعد بل ۾ ترميم ڪرڻ جو فيصلو ڪيو ويو آهي. هن چيو ته هاڻي صحافي ۽ ادبي تنطيمن جي اڳواڻن سان مشوري بعد بل جو نئون مسودو تيار ڪيو ويندو، جنهن بعد ان جي سنڌ ڪابينا ۽ سنڌ اسيمبلي مان منظوري ورتي ويندي. واضح رهي ته ڪجهه عرصو اڳ سنڌ سرڪار سنڌ پريس نيوز پيپر، نيوز ايجنسي ۽ بڪ بل 2017 سنڌ ڪابينا مان منظور ڪرايو هو، جنهن تي صحافي ۽ ادبي تنظيمن اعتراض ڪندي موقف اختيار ڪيو هو ته بل ۾ ڪجهه اهڙيون شقون شامل آهن، جيڪي آمريتي دور جون آهن.

 

لاڳاپيل نيوز جي لنڪ

www.sindhsamaachar.com/2017/09/26/%D9%87%D8%B1%D9%82%

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *