Friday , June 14 2024

سنڌ جي تعليمي ادارن ۾ امتحانن ۽ وئڪيشنز جو شيڊيول تبديل

ڪراچي(رپورٽر  سنڌسماءَچار) سنڌ جي تعليم کاتي سرڪاري اسڪولن ۾ امتحانن ۽ موڪلن جو شيڊول تبديل ڪري ڇڏيو آهي، هاڻي امتحان 20 مارچ کان 30 اپريل تائين ۽ گرمين جون موڪلون پهرين مئي کان 30 جون تائين ڪيون وينديون. اهڙو فيصلو تعليم کاتي جي صوبائي وزير سردار شاهه جي صدارت هيٺ اسٽيئرينگ ڪميٽي جي اجلاس ۾ ڪيو ويو، اجلاس ۾ صوبي اندر تعليم بابت نئين پاليسي تي غور ويچار ڪيو ويو. اجلاس ۾ اڳواڻن جو چوڻ هو ته سرڪاري اسڪولن ۾ امتحانن بعد اسڪول ٻيهر نه کلندا آهن ۽ پوءِ گرمي جون موڪلون اچي وينديون آهن، جنهن ڪري چئن مهينن تائين سرڪاري تعليمي ادارا بند هوندا آهن. اجلاس ۾ مختلف تجويزن بعد فيصلو ڪيو ويو ته سرڪاري اسڪولن ۾ امتحان 20 مارچ کان 30 اپريل تائين ورتا ويندا ۽ گرمي جون موڪلون پهرين مئي کان 30 جون تائين ڪيون وينديون جنهن بعد سنڌ ۾ تعليمي سال هاڻي آگسٽ کان شروع ٿيندو. تعليم کاتي پاران يوم پاڪستان ۽ يوم ڪشمير جي موڪلن وارن ڏينهنَ تي مختلف تقريبون گهرائڻ جو فيصلو ڪيو ويو آهي.

About Asghar Azad

Check Also

دبئي ليڪس: پرويز مشرف(مرحوم)،آصف زرداري،شرجيل ميمڻ، محسن نقوي سميت پاڪستانين جون چارسئو ارب ڊالرز جون ملڪيتون ظاهر

ڪراچي(مانيٽرنگ ڊيسڪ سنڌسماءَچار) دبئي پراپرٽي ليڪس مختلف ملڪن سميت پاڪستاني سياستدانن، سول ۽ عسڪري رٽائرڊ …

Leave a Reply

Your email address will not be published. Required fields are marked *