Wednesday , May 22 2024

سفاري پارڪ تفريحي ماڳ يا هٿيارن جو گدام….؟؟

Safari Park Arms 4

رينجرز سفاري پارڪ جي هڪ اسٽور روم تي ڇاپو هڻي دهشتگردن پاران لڪائي رکيل وڏي تعداد ۾ هٿيار هٿ ڪري ورتا آهن، پوليس ۽ رينجرز مختلف علائقن ۾ ڪارروايون ڪري 12 پرڏيهين سميت 23 جوابدارن کي گرفتار ڪري ورتو آهي.

Safari Park Arms 1Safari Park Arms 2

رينجرز ڪراچي جي تفريحي ماڳ سفاري پارڪ جي هڪ اسٽور روم تي ڇاپو هڻي دهشتگرد ڪاررواين لاءِ لڪائي رکيل وڏي تعداد ۾ هٿيار ۽ ڌماڪيدار مادو جٿ ڪري ورتو آهي.

رينجرز ترجمان پاران جاري ڪيل پڌرائي ۾ چيو ويو آهي ته، سفاري پارڪ جي اسٽور روم مان هٿ ڪيل هٿيارن ۾ ايس ايم جي، ايل ايم جي، ڪلاشنڪوف، ايم 16، دستي بم، بلاڪ بم، بال بم ۽ هزارن جي تعداد ۾ گوليون شامل آهن.

رينجرز ترجمان موجب هٿ ڪيل هٿيار شهر ۾ امن امان جي صورتحال کي خراب ڪرڻ لاءِ استعمال ڪيو وڃي ها جنهن کي ناڪام بڻايو ويو آهي.

ٻي طرف ڪراچي جي مختلف علائقن ۾ پوليس ڪارروائي ڪندي 12 پرڏيهين سميت 23 جوابدارن کي گرفتار ڪري 4 هزار ليٽر ايراني ڊيزل ۽ هٿيار هٿ ڪرڻ جي دعويٰ ڪئي آهي.

Safari Park Arms 3

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *