Sunday , May 26 2024

سعودي عرب پاران پاڪستان ۾ زڪوات ۽ فطري تحت رليف پروجيڪٽ شروع

پنجاب جي لاهور، فيصل آباد، ساهيوال ۽ خانيوال ضلعن،  خيبر پختونخوا صوبي جي لڪي مروت، ٽانڪ، لوئر دير، باجوڙ ۽ ڊيرا اسماعيل خان ضلعن ۾ امداد ورهائي ويندي

ڪراچي( مانيٽرنگ ڊيسڪ    سنڌسماءَچار) سعودي  حڪومت پاڪستان ۾ ڪنگ سلمان رليف سينٽر (ڪي ايس آر سي )پاڪستان ۾ زڪوات ۽ فطرو پروجيڪٽ شروع ڪري ڇڏيو آهي، منصوبي هيٺ پنجاب ۽ خيبرپختونخوا صوبن ۾ امداد ورهائي ويندي. سعودي حڪومت جي ڪي آر سي جي اسلام آباد ۾ قائم پاڪستاني آفيس پاران جاري ڪيل هڪ ليٽر موجب ڪنگ سلمان رليف سينٽر ( ڪي ايس آر سي ) جيڪو دنيا جي 59 ملڪن ۾ زڪوات ۽ فطري جي رقم مان فلاحي ڪم ڪري ٿو. هن  سال ڪي آر سي پاران پاڪستان جي ٻن صوبن پنجاب ۽ ڪي پي جي 9 ضلعن ۾ زواڪت ۽ رليف منصوبو شروع ڪيو پيو وڃي، دنيا جي 59 ملڪن ۾ اتان جي مقامي حڪومتن جي انتظامي سهڪار ذريعي مستحق ماڻهن ۾ امدادي سامان ورهايو ويندو.

ڪي ايس آر سي جي زڪوات ۽ فطري پروجيڪٽ تحت پنجاب ۽ ڪي پي جي 9 ضلعن جن ۾ پنجاب جي لاهور، فيصل آباد، ساهيوال ۽ خانيوال ضلعن،  خيبر پختونخوا صوبي جي لڪي مروت، ٽانڪ، لوئر دير، باجوڙ ۽ ڊيرا اسماعيل خان ضلع شامل آهن، انهن ۾  هڪ لک 14 هزار 192 مستحق ماڻهن ۾ چانورن جا ٿيلها ورهايا ويندا. جاري ڪيل ليٽر مطابق، ڪرونا وائرس جي وبا کي نظر ۾ رکندي ماڻهن جي هجوم گڏ ٿيڻ کان بچڻ لاءِ امدادي چانورن جو ٿيلهو سمورن مستحق ماڻهن جي گهر تائين پهچايو ويندو. پنجاب جي لاهور، فيصل آباد، ساهيوال ۽ خانيوال ضلعن،  خيبر پختونخوا صوبي جي لڪي مروت، ٽانڪ، لوئر دير، باجوڙ ۽ ڊيرا اسماعيل خان ضلعن ۾ لاڳاپيل صوبائي ۽ مقامي انتظاميا جي سهڪار سان امدادي سامان ورهايو ويندو. امدادي سامان ۾ 440 ٽن چانور جا 19 هزار 32 ٿيلها شامل آهن، جيڪي ڪي پي ۽ پنجاب صوبي جي هڪ لک 14 هزار 192 مستحق ماڻهن جي گهرن تائين پهچايا ويندا.

About Asghar Azad

Check Also

ماحولياتي تبديلين کي سمجهڻ لاءِ ميڊيا اهم ڪردار ادا ڪري سگهي ٿي

ماحوليات بابت رپورٽنگ ڪندڙ صحافين جي لاءِ فورم ھجڻ جي سخت ضرورت آھي، تقريب کي …

Leave a Reply

Your email address will not be published. Required fields are marked *