Monday , May 20 2024

روشن خيالي ڪنهن به صورت ۾ قبول نه ڪنداسين: مولانا فضل الرحمان

سوات (سنڌسماءَچار    مانيٽرنگ ڊيسڪ) جمعيت علماءِ اسلام جي سربراهه مولانا فضل الرحمان روشن خيالي کي مڪمل طور تي رد ڪندي چيو آهي ته، اسان اسلامي روايتن جي ڳالهه ڪيون ٿا ته اسانکي انتهاپسند قرار ڏنو وڃي ٿو. جي يو آءِ جي سربراهه سوات ۾ جلسي کي خطاب ڪندي چيو ته آمريڪا جڏهن افغانستان تي حملو ڪيو هو ته قومپرستن آمريڪا جو ساٿ ڏنو ۽ اسان کي اهو مهڻو ڏنو ويو ته اسان طالبان جا ساٿي ۽ انهن سان گڏ بيٺل آهيون. فضل الرحمان چيو ته اسان روشن خيالي کي رد ڪيون ٿا، ان کي قبول نه ٿا ڪيو، ڇو ته جڏهن اسان اسلامي روايتن جي ڳالهه ڪندا آهيون ته اسان کي انتهاپسند هنجڻ جو مهڻو ڏنو ويندو آهي. اسان سدائين معصوم انسانن جي قتل عام جي مذمت ڪئي آهي. هن چيو ته ڪرپٽ سياستدانن ملڪ جو ٻيڙو ٻوڙي ڇڏيو آهي، اسان اهڙي ڪنهن به تحريڪ جي حمايت نه ڪنداسين، جيڪا آئين ۽ قانون کان ٻاهر هجي. سندس چوڻ هو ته اسان کي اولهه جي فلسفي واري سياست ڪنهن به صورت ۾ قبول ناهي، جڏهن اسان اسلام جي ڳالهه ڪندا آهيون ته جاهل چيو ويندو آهي، باعزت عورتن کان رَوا کسڻ آزادي ناهي.

About Asghar Azad

Check Also

ماحولياتي تبديلين کي سمجهڻ لاءِ ميڊيا اهم ڪردار ادا ڪري سگهي ٿي

ماحوليات بابت رپورٽنگ ڪندڙ صحافين جي لاءِ فورم ھجڻ جي سخت ضرورت آھي، تقريب کي …

Leave a Reply

Your email address will not be published. Required fields are marked *