Tuesday , May 28 2024

رائو انوار نقيب قتل جو ذميوار قرار، عدالت کان مٿانهون قتل آهي: جي آءِ ٽي پاران رپورٽ تيار

ڪراچي (رپورٽر   سنڌسماءَچار) نقيب الله قتل ڪيس بابت قائم جي آئي ٽي پنهنجي رپورٽ گهرو کاتي کي پيش ڪري ڇڏي آهي، رپورٽ ۾ رائو انوار کي  عدالت کان مٿانهن قتلن جو ذميوار قرار ڏيندي ان عمل کي دهشتگردي قرار ڏئي ڇڏيو. سنڌ پوليس جي ايڊيشنل آءِ جي آفتاب پٺاڻ جي سربراهي ۾ قائم جي آئي ٽي پنهنجي رپورٽ تيار ڪري ورتي، جنهن ۾ ڊي پي او بهاولپور  جي رپورٽ جو به ذڪر ڪيو ويو آهي .ڊي پي او بهاولپور مطابق رائو انوار هٿان مارجي ويل  محمد صابر ۽ محمد اسحاق جو ڪوبه ڪرمنل ريڪارڊ ناهي. جي آئي ٽي رپورٽ ۾ ڄاڻايو ويو آهي ته رائو انوار نقيب الله ۽ ٻين شهرين جا  عدالت کان مٿانهان قتل ڪيا ويا، رائو انوار ۽ ٻين پوليس آفيسرن جو عمل دهشتگردي آهي.  جي آئي آٽي رپورٽ ۾ وڌيڪ ٻڌايو ويو آهي ته نقيب الله ۽ ٻين جو ڪوبه ڏوهي هجڻ جو ريڪارڊ موجود ناهي.عدالت کان مٿانهن قتلن کي تحفظ ڏيڻ لاءِ ميڊيا جي اڳيان ڪوڙ ڳالهايو، واقعي کانپوءِ رائو انوار ۽ ٻين پوليس عملدارن  ثبوت به ضايع ڪيا. رپورٽ مطابق رائو انوار ۽ ٻين جوابدارن پنهنجن اختيارن جو به غلط استعمال ڪيو، جوابدارن جو مقصد پنهنجن ٻين غير قانوني قدمن کي تحفظ فراهم ڪرڻ هو.

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *