Monday , May 20 2024

رائوانوار کان جاچ صرف نقيب ڪيس جي ٿيندي يا ٻين معاملن جي به؟ صوبائي وزيرن ۽ صحافين کي به پريشاني!

ڪراچي( رپورٽر    سنڌسماءَچار) ملير جي معطل ايس ايس پي ۽ پوسٽنگ دوران ملير ۾ اڇي ڪاري جي مالڪ بڻيل رائو انوار جي گرفتاري کان پوءِ سنڌ ڪابينا جي ڪجهه وزيرن ۽ سيڪريٽريز ۾ پريشاني پکڙجي وئي آهي. ذريعن کان معلوم ٿيو آهي ته، رائو انوار جي جي گرفتاري کانپوءِ سنڌ ڪابينا جي ڪجهه وزيرن ۽ بلڊرز ۾ پريشاني پکڙجي وئي آهي. انهن وزيرن، ملير ضلعي ۽ ڪراچي جي اسڪيم 33 ۾ ڪاروباري ۽ رهائشي اسڪيمون اڏيندڙ ڪجهه بلڊرزپريشان آهن. ذريعن جو چوڻ آهي ته، سنڌ ڪابينا جي 3 ميمبرن/وزيرن، سيڪريٽرين ۽ ڪجهه صحافين اهم سياسي شخصيت سان به رابطو ڪيو آهي. پريشانين ۾ ورتل صحافين وري خبرون وٺڻ جي بهاني سان رائو انوار جي گرفتاري بعد پريشانين ۾ ورتل انهن معاملي جي سُڌ وٺڻ جي ڪوشش ڪري رهيا آهن. وزيرن، سيڪريٽريز ۽ بلڊرز پاران اها معلومات حاصل ڪرڻ جي ڪوشش ڪئي پئي وڃي ته، ” ڇا رائو انوار کان صرف نقيب قتل ڪيس ۽ مختلف پوليس مقابلن بابت ئي جاچ ڪئي ويندي يا وري انهن معاملن سان گڏ ٻين معاملن جي به پڇاڳاڇا ڪئي ويندي“.

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *