Thursday , May 23 2024

خانپور: ننڍي عمر جي نينگري ۽ نينگر جي شادي ڪرائيندڙ والدين گرفتار، عدالت ۾ پيش مولوي به سوگهو

خانپور:

خانپور ويجهو فيضو پوليس گذريل رات ننڍي عمر جي شادي روڪرائي گهوٽ ۽ ڪنوار جي والدين کي گرفتار ڪري ورتو، ڪيس ۾ گهوٽ ۽ ڪنوار جي پيئرن، نڪاح پڙهائيندڙ مولوي، وڪيل ۽ شاهدن سميت 6 ڄڻن تي ڪيس داخل ڪيو ويو آهي.
خانپور لڳ ننڍي عمر ۾ شادي ڪرائڻ واري تقريب تي پوليس چڙهائي ڪري گهوٽ ۽ ڪنوار کي تحويل ۾ وٺي ٻن ڄڻن کي گرفتار ڪري ورتو.
ڳوٺ قمر الدين پهوڙ ۾ گذريل رات 8 ورهين جي الهه وڌايو پهوڙ ۽ 11 ورهين جي حليمه مرهٽو جي شادي ٿي رهي هئي ته فيضو ٿاڻي جي پوليس ڪارروائي ڪري گهوٽ ۽ ڪنوار کي پنهنجي تحويل ۾ وٺي ٻنهي کي وومين سينٽر شڪارپور منتقل ڪيو.
خانپور پوليس گهوٽ جي والد عبدالسبحان پهوڙ ۽ ڪنوار جي والد عبدالرسول مرهٽو کي گرفتار ڪري لاڪپ ڪري ڇڏيو آهي.
فيضو ٿاڻي جي پوليس سرڪار جي مدعيت ۾ نڪاح پڙهائيندڙ مولوي سليمان پهوڙ، ٻن شاهدن ۽ هڪ وڪيل سميت 6 ڄڻن خلاف ڪيس داخل ڪري ورتو آهي..

About Asghar Azad

Check Also

ماحولياتي تبديلين کي سمجهڻ لاءِ ميڊيا اهم ڪردار ادا ڪري سگهي ٿي

ماحوليات بابت رپورٽنگ ڪندڙ صحافين جي لاءِ فورم ھجڻ جي سخت ضرورت آھي، تقريب کي …

Leave a Reply

Your email address will not be published. Required fields are marked *