سنڌسماءَچار
Related Articles
“ جو کيڙي سو کائي” جو نظريو ڏيندڙ صوفي شاهه عنايت شهيد جي 309 هين سالياني عرس جي ٻئي ڏينهن جون تقريبون جهوڪ شريف ۾ جاري آهن. ميرپور بٺورو ۾ صوفي شاهه عنايت جي عرس جي موقعي تي اڄ ٻئي ڏينھن به محفل سماع ٿي، جنھن ۾ صوفي راڳين پنهنجي فن جو مظاهرو ڪيو. درگاهه جي گادي نشين صوفي شاهه عطاءُ الله ستاري ٻين عقيدتمندن سان گڏ صوفياڻو راڳ ٻڌو، راڳ رنگ جون محفلون جاري آهن.
هوڏانهن ميرپوربٺورو پريس ڪلب ۾ سنڌ ڪلچرل فورم ۽ ڳوٺ سڌار سنگت پاران صوفي شاھه عنايت ادبي ڪانفرنس منعقد ڪئي وئي، جنهن ۾ اديبن، شاعرن، سگھڙن، سياسي ۽ سماجي ڪارڪنن شرڪت ڪئي. ادبي ڪانفرنس کي غلام حُسين رنگريز، نوازخان زئور، پُنھل ساريو، ڀون سنڌي، پرويز ميمڻ ۽ ٻين خطاب ڪندي چيو ته صوفي شاھه عنايت ھارين جي حقن لاءِ جو کيڙي سو کائي جو نعرو ھڻي، جدوجھد جي ميدان تي لٿو ۽ شھادت ماڻي. هنن چيو ته اڄ جي صورتحال ۾ صوفي شاھه عنايت جي ڏسيل واٽ تي ھلڻ جي ضرورت آھي.
