Wednesday , June 19 2024

بجيٽ 2020-21، سنڌ جي سرڪاري ملازمن ۽ پينشنرن لاءِ خوشخبري

سنڌ حڪومت حڪومت گريڊ هڪ کان 16 جي ملازمن جي 10، 17 کان 22 گريڊ جي ملازمن جون 5 سيڪڙو پگهارون وڌائي ڇڏيون

ڪراچي( رپورٽ: آفاق ڀٽي   سنڌسماءَچار) سنڌ حڪومت نئين مالي سال جي بجيٽ ۾ ملازمن جي پگهارن ۽ پينشنرز جي پينشن ۾ ۾ 10 سيڪڙو واڌ جي تجويز ڏئي ڇڏي آهي، نئين مالي سال جي بجيٽ ۾ سنڌ حڪومت هڪ کان 16هين گريڊ تائين سرڪاري ملازمن لاءِ 10 سيڪڙو ۽ 17 کان 22 گريڊ تائين سرڪاري ملازمن لاءِ 5 سيڪڙو پگهار وڌائڻ جو اعلان ڪري ڇڏيو. وڏي وزير ڪورونا سان فرنٽ لائين تي ويڙهه ڪندڙ ڊاڪٽرز ۽ پئراميڊيڪل سوڌو صحت کاتي جي ملازمن کي رسڪ الائونس طور هڪ بُنيادي پگهار اضافي ڏيڻ جو اعلان به ڪيو. سنڌ سرڪار جي بجيٽ ۾ سالياني ترقياتي پروگرام۾ 58 ارب رُپين جي ڪٽوتي ڪري هڪ کرب 70 ارب رُپيا مخصوص ڪئي وئي. وڏي وزير موجب ترقياتي اسڪيمن ۾ ڪورونا کي منهن ڏيڻ واري ڪووِڊ ريسپانس پروگرام لاءِ 50 ارب رُپيا رکڻ جي تجويز ڏني وئي. سالياني ترقياتي رٿائن واري پروگرام ۾ زراعت کاتي لاءِ 10 ارب 47 ڪروڙ، اوقاف کاتي لاءِ 99 ڪروڙ، بورڊ آف روينيو لاءِ 61 ڪروڙ 80 لک ۽ ڪميونٽي ڊولپمينٽ پروگرام لاءِ 36 ڪروڙ 70لک رُپين جون رٿائون شامل ڪيون ويون وڏي وزير چيو آهي ته سياحت ۽ ثقافت کاتي لاءِ 83 ڪروڙ، تعليم کاتي جي اسڪول ۽ ڪاليج ايجوڪيشن سوڌو ٻين شعبن لاءِ 23 ارب 39 ڪروڙ رُپين جون ترقياتي رٿائون رکڻ جي تجويز آهي. وڏي وزير چيو آهي ته سالياني ترقياتي پروگرام ۾ توانائي شعبي لاءِ 4 ارب 30 ڪروڙ، ٻيلي کاتي لاءِ 5 ڪروڙ، گورنر سيڪريٽريٽ لاءِ 3 ڪروڙ، صحت لاءِ 28 ارب 89 ڪروڙ ۽ آبپاشي کاتي لاءِ 17 ارب 92 ڪروڙ رُپين جون اسڪيمز به شامل آهن. وڏي وزير جي بجيٽ تقرير دوران اپوزيشن پاران سخت احتجاج ڪيو ويو ۽ بجيٽ جون ڪاپيون ڦاڙي نعريبازي پڻ ڪئي.

http://www.sindhsamaachar.com/ur/%da%aa%d8%b1%d9%88%d9%86%d8%a7-%d8%ac%d9%8a-%d9%88%d8%a8%d8%a7-%da%86%d9%88%d9%bd-%da%86%da%99%d9%87%d9%8a%d9%84%d8%8c-%d8%a7%d9%86%da%8a%d8%b3-%d8%a7%d8%b3%d9%be%d8%aa%d8%a7%d9%84-300-%d9%85%d9%84/

About Asghar Azad

Check Also

سموري دنيا مان ڪعبته الله شريف پهتل 20 لک کان وڌيڪ مسلمانن حج جو فرض ادا ڪري ڇڏيو

”دعائن جا سڀ کان وڌيڪ حقدار فلسطيني آهن، جن وٽ کاڌو ۽ پيئڻ جو پاڻي …

Leave a Reply

Your email address will not be published. Required fields are marked *