Saturday , March 2 2024

اُم رباب چانڊيو پاران قاتلن جي گرفتاري لاءِ 2 جون جو الٽيميٽم ڏئي ڇڏيو،3جون تي ڌرڻي جو اعلان

دادو ( خاص نمائندو    سنڌسماءَچار) ميهڙ ۾ قتل ڪيل يوسي چيئرمين ڪرم الله چانڊيو ۽ سندس ٻن پٽن جي قتل ڪيس ۾ نامزد سمورا جوابدار گرفتار نه ٿي سگهيا آهن، مقتولن جي نياڻي اُم رباب چانڊيو جوابدارن جي گرفتاري لاءِ سنڌ حڪومت کي 2 جون تائين جو الٽيميٽم ڏيندي چيو آهي ته جيڪڏهن جوابدار گرفتار نه ٿيا ته 3 جون تي انڊس هاءِ وي تي ڌرڻو هنيو ويندو.  اڃا گرفتار نه ٿيا آهن، متاثر ڪٽنب جي نياڻي ۽ وڪيل اُمِ رباب پاران 3 جون تي ميهڙ ويجهو انڊس هاءِ وي تي ڌرڻي جو اعلان ڪيو آهي. ميهڙ ۾ ڪجهه مهينا اڳ قتل ڪيل يوسي چيئرمين ڪرم الله چانڊيو ۽ سندس پٽن جي قتل ڪيس ۾ پ پ ايم پي اي سردار چانڊيو ۽ ٻيا جوابدار نامزد ٿيل آهن، جڏهن ته ڪيس جي جاچ آفيسر ۽ ايس ايس پي پير محمد شاهه سردار چانڊيو جي ڀاءُ برهان چانڊيو جو نالو ڪڍي ڇڏيو هو.

پوليس قتل ڪيس ۾ رڳو ٽن جوابدارن کي گرفتار ڪري سگهي آهي پر ٻيا جوابدار اڃا تائين قانون جي پڪڙ ۾ نه اچي سگهيا آهن. متاثر ڪٽنب جي نياڻي ۽ وڪيل اُمِ رباب پاران 3 جون تي ميهڙ ويجهو انڊس هاءِ وي تي ڌرڻي جو اعلان ڪيو آهي. وڪيل ام رباب سنڌ واسين کي ڌرڻي ۾ ڀرپور نموني شرڪت ڪرڻ جي اپيل ڪندي چيو آهي ته پ پ جي حڪومت ۾ جوابدار گرفتار نه ٿي سگهيا ۽ هاڻي پ پ جي حڪومت ختم ٿي رهي آهي کيس اميد آهي ته ڪيس ۾ نامزد سمورا جوابدار گرفتار ٿيندا. وڪيل ام رباب ڪجهه ڏينهن اڳ ڪراچي ۾ سپريم ڪورٽ رجسٽري ٻاهران چيف جسٽس آڏو احتجاج ڪيو هو ۽ بعد ۾ آءِ جي سنڌ اي ڊي خواجه کيس انصاف فراهم ڪرڻ جي خاطري ڪرائي هئي پر جوابدار  گرفتار نه ٿي سگهيا آهن.

About Asghar Azad

Check Also

جسٽس قاضي فائز عيسيٰ جَي چيف جسٽس ٿيڻ تي هنبوشين جي موسم ۽ سنڌ

ها؛ چيف جسٽس قاضي فائز عيسيٰ جي هڪڙي ڳالهه وڻي اُها سچ ڏاڍي وڻي؛ اها …

Leave a Reply

Your email address will not be published. Required fields are marked *