Monday , May 20 2024

آبادگارن ۽ احتجاج ڪندڙ استادن تي تشدد خلاف سڄي سنڌ ۾ احتجاجي مظاهرن جو سلسلو جاري

ڪراچي/حيدرآباد/فيض گنج/ لاڙڪاڻو ( سنڌ سماءَ چار مانيٽرنگ ڊيسڪ ) ڪراچي ۾ اين ٽي ايس پاس استادن تي تشدد ڪرڻ ۽ آبادگارن کي مقرر ڪيل اگهه 182 روپيا في مڻ نه ڏيڻ خلاف مختلف شهرن ۾ جسقم جي سڏ تي احتجاجي مظاهرا ڪيا ويا.  لاڙڪاڻي ۾ اطهر سومرو ۽ عزيز شيخ جي اڳواڻي ۾ ڪارڪنن پريس ڪلب اڳيان احتجاجي مظاهرو ڪيو. نوابشاهه ۾ علي رضا خاصخيلي، نور سولنگي ۽ منير ابڙو جي اڳواڻي ۾ڪارڪنن پريس ڪلب ٻاهران احتجاجي مظاهرو ڪري ڌرڻو هنيو . نوشهروفيروز ۾ راجا عبدالرزاق ملاح ۽ صدر الدين چانڊيو جي اڳواڻي ۾ ڪارڪنن احتجاجي مظاهرو ڪيو. باڊھه ۾ رياض پنهور ۽ دودو ديشي جي اڳواڻي ۾ ڪارڪنن پريس ڪلب اڳيان  احتجاجي مظاهرو ڪيو.

ميرپور بٺوري ۾ عامر ميمڻ، بابو عثمان، عبدالرزاق لُنڊ ۽ ٻين جي اڳواڻي ۾ڪارڪنن جي ايم سيد چوڪ کان احتجاجي ريلي ڪڍي پريس ڪلب اڳيان مظاھرو ڪري نعريبازي ڪئي. ڪنڊياري ۾ قاري گانگھرو، محبوب ابڙو، ھارون ڪلھوڙو ۽ ٻين جي اڳواڻي ۾ نيشنل پريس ڪلب اڳيان احتجاجي مظاھرو ڪيو ويو.

قبو سعيد خان، ميروخان سميت مخلتف شهرن ۾ به جسقم ڪارڪنن احتجاجي مظاهرا ڪيا. احتجاج ڪندڙن چيو ته ڪراچي ۾ مطالبن جي مڃتا لاءِ احتجاج ڪندڙ استادن ۽ آبادگارن تي تشدد وارو عمل مذمت جوڳو آهي. هنن چيو ته اين ٽي ايس ۽ سنڌ يونيورسٽي ٽيسٽ پاس استادن کي پڪو ڪري آبادگارن کي ڪمند جو في مڻ 182 روپيا ڏنو وڃي، ٻي صورت ۾ احتجاج جو سلسلو جاري رهندو.

About Asghar Azad

Check Also

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم

“صدين کان آباد پنهنجا ڳوٺ خالي ڪيو”، ملير جي ڳوٺاڻن کي نادر شاهي حڪم   …

Leave a Reply

Your email address will not be published. Required fields are marked *