سنڌسماءَچار
Related Articles
گهوٽڪي(سنڌسماءَچار نيوز) ڊسٽرڪٽ اينڊ سيشن جج گهوٽڪي جي حڪم تي نينگر جي گٽر ۾ ڪري فوت ٿيڻ جو ڪيس ٽي ايم او خلاف داخل ڪيو ويو آهي. ڪجهه ڏينهن اڳ گهران شئي وٺڻ لاءِ ويل معصوم نينگر ڪشور ڪمار کليل گٽر ۾ ڪري فوت ٿي ويو هو. جنهن جو لاش ڪيترن ئي ڪلاڪن بعد هٿ آيو هو.
گهوٽڪي جي ڊسٽرڪٽ اينڊ سيشن جج، نينگر جي گٽر ۾ ڪري فوت ٿيڻ جون خبرون سوشل ميڊيا تي اچڻ ۽ اخبارن ۾ خبرن جي رپورٽ طلب ڪري نينگر جي والد آڏت رام ۽ ٽي ايم او ارشاد هُليو کي عدالت طلب ڪيو هو. سيشن جج ڏهرڪي ٿاڻي جي وڏي منشي کي به ايف آءِ آر رجسٽر سميت طلب ڪيو هو. سيشن جج جي حڪم تي نينگر جي گٽر ۾ ڪري فوت ٿيڻ جو ڪيس آڏت ميگهواڙ جي فرياد تي ٽي او ايم ارشاد هليو خلاف ڪيس داخل ڪرڻ جو حڪم ڏنو. عدالتي حڪم تي ٽائون ميونسپل آفيسر خلاف ڪيس داخل ڪيو ويو آهي.
