سنڌسماءَچار
Related Articles
ڪراچي( چيف رپورٽر سنڌسماءَچار) پاڪستان ۾ تيزي سان ٻيهر پکڙيل ڪرونا وائرس جي وبا خطرناڪ حد تائين تيزي سان وڌڻ لڳي، هڪ ڏينهن ۾ 59 مريض موت جو کاڄ بڻجي ويا، ملڪ اندر 24ڪلاڪن دوران وڌيڪ 2 هزار 661 ماڻهو وبا ۾ وٺي ويا، سنڌ ۾ هڪ هزار 199 نوان ڪيس رپورٽ ڪيا ويا آهن. ٻيهر ملڪ ۾ڪورونا وائرس جي پکيڙ ۾ تيزي سان اضافو، 24 ڪلاڪن دوران وڌيڪ 59 مريضن دم ڏئي ڇڏيو، 2 هزار 661 نوان ڪيس رپورٽ، پاڪستان اندر ڪرونا جي مريضن جو مجموعي انگ 3 لک 74 هزار173ٿي ويو آهي، ٻين صوبن جي ڀيٽ ۾ سنڌ ۾ 24 ڪلاڪن دوران سڀ کان وڌيڪ هڪ هزار هڪ سئو 99 ماڻهو ڪرونا جي وبا ۾ مبتلا ٿي ويا آهن، سنڌ ۾ ڪرونا جي مريضن جو مجموعي انگ هڪ لک 62 هزار 227 ٿي ويو آهي. اين سي او سي جي رپورٽ مطابق پنجاب ۾ چوويهه ڪلاڪن دوران22مريض حياتيون وڃائي ويٺا آهن، 553 نوان ڪيس رپورٽ ٿيڻ بعد مجموعي انگ هڪ لک 14هزار 10 ٿي ويو آهي. ڪي پي ڪي ۾2مريض فوت ٿي ويا، 367ڄڻا وبا ۾ مبتلا ٿيڻ بعد مريضن جو انگ 44 هزار 97 ٿي چڪو آهي.اين سي او سي جي رپورٽ مطابق بلوچستان ۾ به ڪرونا جي وبا تيزي سان پکڙجي رهي آهي، جتي وائرس ۾ مبتلا وڌيڪ 3 ڄڻا حياتيون وڃائي ويٺا آهن.
لمس ڄامشورو جي پرو وي سي يونيورسٽي ۾ بادشاهي قائم ڪري ورتي،17 کان وڌيڪ مختلف شعبن جو انچارج بڻيل
