سنڌسماءَچار
Related Articles
ڪراچي (رپورٽر سنڌسماءَچار) سنڌ جي وڏ وزارت لاءِ هڪ ڀيرو ٻيهر سيد مراد علي شاهه ۽ اسپيڪر شپ لاءِ ڪُڻو آغا سراج دراني جي نالي تي نڪري ويو آهي، بلاول ڀٽو زرداري چيو آهي ته، هاڻي ڪارڪردگي بهتر ڪرڻي پوندي جنهن سُسِتي ڏيکاري ان کي گهر وڃڻو پوندو. بلاول هائوس ۾ پ پ چيئرمين بلاول ڀٽو زرداري حتمي طور تي مراد علي شاهه کي سنڌ جو وڏو وزير، آغا سراج دراني کي سنڌ اسيمبلي جو اسپيڪر ۽ ريحانه لغاري کي ڊپٽي اسپيڪر طور نامزد ڪندي باقائده اعلان به ڪيو ويو آهي، انکان اڳ بلال وڏ وزارت لاءِ مراد علي شاهه جو نالو ٻڌائي چڪو هو. پ پ پ جي پارلياماني پارٽي جي اجلاس ۾ سنڌ حڪومت جي جوڙجڪ بابت به ويچاريو ويو.
پارٽي جي اجلاس دوران خطاب ڪندي پ پ پ چيئرمين بلاول ڀٽو زرداري چيو ته، هاڻي سنڌ حڪومت کي پنهنجي ڪارڪرگي کي بهتر ڪري عوام جا مسئلا حل ڪرڻا پوندا. هن چيو ته وڏي وزير سميت ڪابينا جي ميمبرن ڪارڪردگي سڌارڻ ۽ اوليتن کي طئه ڪرڻو پوندو.
