سنڌسماءَچار
Related Articles
وزيراعظم ميان نواز شريف ۽ سندس خاندان خلاف سپريم ڪورٽ ۾ هلندڙ پاناماڪيس ۾ هڪ نئون موڙ اچي ويو آهي، جنهن ۾ قطر جي پاڪستان ۾ مقرر سفارتڪار سڪر المبارڪ المنصوري پنهنجي هڪ بيان ۾ قطري شهزادي پاران سپريم ڪورٽ ۾ پيش ڪيل خط کان چٽيءَ طرح لاتعلقي جو اظهار ڪري ڇڏيو آهي. سڪر المبارڪ المنصوري پنهنجي بيان ۾ چيو آهي ته ”قطري شهزادي پاران سپريم ڪورٽ ۾ پاناما ڪيس جيڪو خط پيش ڪيو آهي، ان سان قطر جي حڪومت جو ڪو به واستو وڙُ نه آهي ۽ ان خط کي قطر جي حڪومت سان نه ڳنڍيو وڃي ۽ نه ئي وري ان کي قطر حڪومت جو ڪو فيصلو سمجهيو وڃي“.
قطر جي سفارتڪار سڪ المبارڪ المنصوري جي اهڙي بيان بعد قطري شهزادو ته پريشان ۾ مبتلا ٿي ويو آهي، پر ان سان گڏ وزيراعظم جي خاندان لاءِ به هڪ انتهائي منجهائيندڙ صورتحا پيدا ڪري ڇڏي آهي.
