Wednesday , May 27 2020
uren

وزيراعظم ۽ وڏن وزيرن پاران عدالتي ڪميشن نه ٺاهڻ تي پابندي لڳي وئي

لاهور(سنڌسماءَچار     مانيٽرنگ ڊيسڪ) چيف جسٽس ثاقب نثار وزيراعظم ۽ وڏن وزيرن پاران ڪنهن به معاملي جي عدالتي يا ڪا ٻي ڪميشن جوڙڻ تي پابندي لڳائيندي چيو آهي ته، ڪنهن ڪيس يا ٻئي معاملي جي جاچ لاءِ عدالتي ڪميشن جوڙي ڪيسن کي روليو وڃي ٿو. سپريم ڪورٽ لاهور رجسٽري ۾ زينب ڪيس جي ٻڌڻي چيف جسٽس جي سربراهيءَ ۾ 3 رڪني بئنچ ڪئي. چيف جسٽس رمارڪس ڏيندي چيو ته؛ وزيراعظم يا ڪنهن به صوبي جو وڏو وزير ڪنهن به معاملي يا ڪنهن ٻئي ڪيس جي جاچ عدالتي ڪميشن جوڙي ڇڏيندو آهي. عدالتي ڪميشن جوڙي جاچ ڪرڻ سان معاملو/ڪيس رولڙي جي ور چڙهي وڃي ٿو. چيف جسٽس سپريم ڪورٽ ميان ثاقب نثار ۽ وڏن وزيرن پاران ڪا به عدالتي ڪميشن يا ڪا ٻي ڪميشن جوڙڻ تي پابندي مڙهڻ جو حڪم جاري ڪيو. چيف جسٽس چيو ته اڳتي ڪابه عدالتي ڪميشن قائم نه ٿيندي، ڪنهن به ڪيس يا ٻئي معاملي جي حل ۽ انصاف مهيا ڪرڻ لاءِ ان جي جاچ ئي اصل ۽ بهترين طريقو آهي. چيف جسٽس، جسٽس ثاقب نثار چيو ته ڪميشن جوڙڻ سان معاملو رولڙي جي ور چڙهي ويندو آهي، جنهن سان متاثر ڌر کي گهڻو ڪجهه ڀوڳڻو پوندو آهي.

About Asghar Azad

Check Also

جهاز سانحو، معاملو فوتي پائليٽ جي ڳچي ۾ وجهڻ جا سانباها

Share this on WhatsApp ڪراچي(رپورٽ: اصغر آزاد   سنڌسماءَچار) جمعي ڏينهن ڪراچي ۾ حادثي جو شڪار …

Leave a Reply

Your email address will not be published. Required fields are marked *