Wednesday , August 12 2020
uren

غوثپور شهر جون گهٽيون گندي پاڻي جي نالين جو ڏيک ڏيڻ لڳيون

غوثپور(سنڌسماءَچار نيوز) شهر ۾ گندي پاڻي جو نيڪال وارو نظام تباهه هجڻ ڪري شهر جون بازارون ۽ رهائشي علائقا گندگي جي ور چڙهي ويا آهن. غوثپور شهر جي مک بازار واري رستي ۽ ان جي ڀرپاسي وارين گهٽين ۾ گندو پاڻي بيهجي ويو آهي. گندي پاڻي جي نيڪال نه ٿيڻ ڪري مختلف بيمارين ڦهلجڻ جو خطرو وڌي ويو آهي. شهرين پاران شهر سميت رهائشي علائقن ۾ گندو پاڻي رستن ۽ گهٽين ۾ بيهڻ ۽ گندگي جا ڍير هجڻ جي شڪايتن باوجود مقامي انتظاميه ڪک ڀڃي ٻيڻو ناهي ڪيو. شهرين جو چوڻ آهي ته، مقامي انتظاميه ۽ مڪاني ادارن جا چونڊيل عوامي نمائندا مسئلا حل ڪرڻ ئي نه ٿا چاهين، سندن شڪايتن جو ڪو به ازالو نه پيو ڪيو وڃي. شهرين موجب گندو پاڻي هاڻي گهرن ۾ ڪاهي پوي ٿو جنهن سبب مڇرن جو آزار وڌي ويو آحي ۽ معصوم ٻارڙن ۾ دستن سميت مختلف بيمارين به منهن ڪڍڻ شروع ڪيو آهي. هنن چيو ته وارڊن ۽ يوسي سميت مڪاني ادارن جا فنڊز خبر ناهي ڪير ۽ ڪٿي خرچي رهيو آهي. هنن سنڌ هاءِ ڪورٽ جي چيف جسٽس ۽ سنڌ واٽر ڪميشن جي سربراهه جسٽس رٽائرڊ امير هاني مسلم کي اپيل ڪئي آهي ته، غوثپور ۾ گندي پاڻي جي نيڪال نه ٿيڻ ۽ گندگي جو نوٽيس وٺي شهرين جا مسئلا حل ڪرايا وڃن. (ظفر شير ڀيو جي ٿورن سان)

About Asghar Azad

Check Also

رتو ديرو جي ڊاڪٽر جي لاپرواهي، نينگر جي حياتي بچائڻ لاءِ ٻانهن ڪاٽي وئي،سڄي حياتي لاءِ معذور

Share this on WhatsAppلاڙڪاڻو( سنڌسماءَچار   مانيٽرنگ ڊيسڪ) رتو ديرو جي نجي اسپتال جي ڊاڪٽر جي …

Leave a Reply

Your email address will not be published. Required fields are marked *