عالمي معاشي جنگ آمريڪا جا ڏکيا ڏينهن شروع ٿي ويا

ڪراچي(سنڌسماءَچار مانيٽرنگ ڊيسڪ) عالمي معاشي طاقت جو تواز تبديل ٿيڻ وارو آهي، چين معاشي طاقت ۾ سپر پاور آمريڪا کي سوڙهو ڪري ڇڏيو آهي، آمريڪا معاشي حيثيت برقر رکڻ نه رڳو ڏکيو پر ناممڪن بڻجندو پيو وڃي. هڪ معاشي تحقيق ۾ چيو ويو آهي ته چين ايندڙ سال يعني 2020 ۾ عالمي معاشي طاقت جو توازن پنهنجي حق ۾ ڪري ويندو. اسٽينڊرڊ چارٽرڊ بينڪ پنهنجي هڪ تحقيق ۾ چيو آهي ته، آمريڪا کي هن وقت دنيا جي معاشي سپر پاور هئڻ جو اعزاز حاصل آهي پر هڪ سال کانپوءِ هو معاشي طور سپر پاور ملڪ نه رهي سگهندو ۽ جڏهن ايئن ٿي ويندو ته پوءِ هو ٻيهر ڪڏهن به پهرين پوزيشن تي اچي نه سگهندو. اسٽينڊرڊ چارٽرڊ بينڪ جو چوڻ آهي ته چين 2020 ۾ آمريڪا کان دنيان جي سڀ کان وڏي معيشت وارو اعزاز کسي وٺندو. اها تحقيق جي ڊي پي ۽ سامان خريد ڪرڻ واري طاقت واري پيماني کي نظر ۾ رکندي ڪئي آهي. تحقيق ۾ ٻڌايو ويو آهي ته جيڪڏهن خريد جي طاقت بابت ڳالهه ڪئي وڃي ته ان لحاظ سان چين کي اڳ ئي دنيا جي سب کان وڏي معيشت تصور ڪيو ويندو آهي پر جي ڊي پي جي لحاظ سان آمريڪا کي هميشه سبقت حاصل آهي. تحقيق ۾ ٻڌايو ويو آهي ته سال 2020 ۾ چين پهرين نمبر تي اچي ويندو ۽ پوءِ 2030 تائين ڀارت آمريڪا کي پوئتي ڇڏيندي ٻي وڏي معاشي طاقت بڻجي ويندو.