Monday , November 30 2020
uren
Breaking News

بئلٽ پيپرز سميت اليڪشن جو سامان پولنگ اسٽيشنز تي پهچي ويو

ڪراچي( رپورٽر  سنڌسماءَچار) عام چونڊن لاءِ پولنگ سڀاڻي ٿيندي، بيلٽ پيپرز سوڌو ٻيو سامان پاڪ فوج ۽ پوليس جي نگراني ۾ پولنگ اسٽيشنز تي پهچايو ويوآهي، اليڪشن ڪميشن جو چوڻ آهي ته شهري علائقن ۾ سامان جي پهچائڻ وارو ڪم ڪجهه ڏورانهن علائقن ۾ به رات دير تائين پهچي وپندو، .اليڪشن ڪميشن موجب بيلٽ پيپرز ۽ ٻيو سامان پولنگ اسٽيشنز تي پهچائڻ وارو عمل فوجي جوان ۽ پوليس اهلڪارن جي سخت نگراني هيٺ جاري رهوي، جيڪو شهري علائقن ۾ رات جو سوير ڀرو پهچايو ويو آهي ۽ ڏورانهن علائقن ۾ به صبح سوير تائين پهچي ويندي. شهري علائقن ۾ سامان پهچائڻ جو ڪم اڄ شام تائين مڪمل ٿي ويندو، جڏهن ته ڏورانهن علائقن ۾ بيلٽ پيپرز ۽ ٻيو سامان پهچائڻ وارو عمل مڪمل ٿي ويندو.

اڄ عام چونڊن ۾ پنجاب ۾ 6 ڪروڙ 6 لک 72 هزار 870 ۽ سنڌ جا 2 ڪروڙ 23 لک 97 هزار 244 ووٽرز حق استعمال ڪندا، جڏهن ته خيبرپختونخواهه ۾ هڪ ڪروڙ 53 لک 16 هزار 299 ۽ بلوچستان ۾ 42 لک 99  هزار 494 ووٽرز پنهنجو حق استعمال ڪندا. اليڪشن ڪميشن موجب، فاٽا جا 25 لک 10 هزار 154 ۽ اسلام آباد جا 7 لک 65 هزار 348 شهري به ووٽ ڪاسٽ ڪري سگهندا. عام چونڊن دوران سڄي ملڪ ۾ 16 لک جي ڀڳ ڀڳ عملو ڊيوٽيون سرانجام ڏيندو، جن ۾ 85 هزار 307 پرزائيڊنگ آفيسرز، 5 لک 10 هزار 356 اسسٽنٽ پرزائيڊنگ آفيسر ۽ 2 لک 55 هزار 178 پولنگ آفيسر شامل آهن. اليڪشن ڪميشن موجب، 131 ڊسٽرڪٽ ريٽرننگ آفيسر ۽ 870 کان وڌيڪ ريٽرننگ آفيسر مقرر ڪيا ويا آهن. اليڪشن ڪميشن جي ترجمان جو چوڻ آهي ته پنجاب ۽ اسلام آباد ۾ 48 هزار 610 پرزائيڊنگ آفيسر ۽ 2 هزار 81 هزار 62 اسسٽنٽ پرزائيڊنگ آفيسر، جڏهن ته هڪ لک 40 هزار 534 پولنگ آفيسر مقرر ڪيا ويا آهن. سنڌ ۾ 17 هزار 747 پرزائيڊنگ آفيسر، هڪ لک 22 هزار 204 اسسٽنٽ پرزائيڊنگ آفيسر ۽ 61 هزار 102 پولنگ آفيسر ڊيوٽيون سرانجام ڏيندا.

خيبر پختونخواهه ۽ فاٽا ۾ 14 هزار 530 پرزائيڊنگ آفيسر، 83 هزار 692 اسسٽنٽ پرزائيڊنگ آفيسير ۽ 14 هزار 846 پولنگ آفيسر مقرر ٿيل آهن. اليڪشن ڪميشن جي ترجمان جو چوڻ آهي ته بلوچستان ۾ 4 هزار 420 پرزائيڊنگ آفيسر، 23 هزار 398 اسسٽنٽ پرزائيڊنگ آفيسر ۽ 11 هزار 699 پولنگ آفيسر مقرر ٿيل آهن. اليڪشن ڪميشن قومي اسيمبلي لاءِ 272 ريٽرننگ آفيسر ۽ 600 اسسٽنٽ ريٽرننگ آفيسر مقرر ڪيا ويا آهن، جڏهن ته صوبائي اسيمبلي لاءِ 5سئو 77 ريٽرننگ آفيسر ۽ هڪ هزار 140 اسسٽنٽ ريٽرننگ آفيسر مقرر ڪيا ويا آهن.

About Asghar Azad

Check Also

ڪرونا جي وبا،هڪ مهيني لاءِ تعليمي ادارا بند، سمورا امتحان به ملتوي

Share this on WhatsApp24نومبر کان 11 جنوري تائين رٿيل سمورا امتحان ملتوي، انٽري ٽيسٽ جا …

Leave a Reply

Your email address will not be published. Required fields are marked *