جمعہ , جولائی 20 2018

عام چوونڊون: فوج 23 کان 27 جولاءِ تائين مقرر هوندي

اسلام آباد( رپورٽر سنڌسماءَچار) اليڪشن ڪميشن 25 جولاءِ تي ٿيندڙ عام چونڊن جي موقعي تي پولنگ اسٽيشنس تي مقرر ٿيندڙ پاڪ فوج جي اهلڪارن کي فرسٽ ڪلاس ماجسٽريٽ جا اختيار ڏئي ڇڏيا آهن. نوٽيفڪيشن به جاري ڪيو ويو آهي. پولنگ اسٽيشنس جي اندر توڙي ٻاهر مقرر فوجي اهلڪار ٿڏي تي سزائون به ٻڌائي سگهندا. نوٽيفڪيشن ۾ چيو ويو آهي ته پولنگ اسٽيشنس جي اندر توڙي ٻاهر موجود فوجي اهلڪار چونڊ ضابطن جي ڀڃڪڙي ڪندڙن خلاف موقعي تي سزائون به ٻڌائي سگهندا. نوٽيفڪيشن ۾ سزائن جي مدي جو ڪيو به ذڪر نه ڪيو ويو آهي.

اليڪشن ڪميشن جي ذريعن جو چوڻ آهي ته فوجي اهلڪار ڪنهن به چونڊ ضابطي جي ڀڃڪڙي جي صورت ۾ پرزائيڊنگ آفيسر کي ان جو اطلاع ڏيڻ جا پابند هوندا.  اليڪشن ڪميشن موجب اطلاع ڪرڻ باوجود جيڪڏهن پرزائيڊنگ آفيسر پاران ڪا مناسب ڪارروائي نه ٿي ڪئي وڃي ته فوجي اهلڪار ان بابت پنهنجن سينيئر آفيسرز کي آگاهه ڪرڻ جا پابند هوندا. نوٽيفڪيشن موجب فوجي اهلڪار 23 کان 27 جولاءِ تائين پولنگ اسٽيشنس تي مقرر هوندا. 2013ع وارين چونڊن ۾ به فوج کي فرسٽ ڪلاس ماجسٽريٽ جا اختيار ڏنا ويا هئا. پر فوج کي پولنگ بوٿس جي ٻاهران مقرر نه ڪيو ويو هو.

About Asghar Azad

Check Also

مستونگ ۾ ڌماڪو،بي اي پي جي اميدوار سراج رئيساڻي سميت 130 ڄڻا شهيد

Share this on WhatsApp مستونگ ( سنڌسماءَچار مانيٽرنگ ڊيسڪ) مستونگ ۾ بلوچستان عوامي پارٽي جي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے