پیر , جون 25 2018

جيڪب آباد ۾ واهه جي صفائي دوران ساهه ٻوساٽجڻ سبب 12 پورهيت بيهوش

جيڪب آباد( رپورٽر   سنڌ سماءَ چار) راڄ واهه جي صفائي دوران ساهه ٻوساٽجڻ سبب 12 پورهيت بيهوش، پورهيتن کي سول اسپتال جيڪب آباد منتقل ڪيو ويو، ڊاڪٽرز پاران ٻن پورهيتن جي حالت ڳڻتي جوڳي قرار. چانڊڪا اسپتال ۾ علاج جاري. جيڪب آباد ڀرسان راڄ واهه جي صفائي دوران ساهه ٻوساٽجڻ سبب 12 پورهيت بيهوش ٿي ويا، ٻن پورهيتن جي حالت ڳڻتي جوڳي ٻڌائي پئي وڃي. شهر جي وچ مان نڪرندڙ راڄ واهه جي پورهيت صفائي ڪري رهيا هئا ته ساهه ٻوساٽجڻ سبب 12 پورهيت بيهوش ٿي ويا. اطلاع تي سٽي پوليس ۽ شهرين  ٽيئون رام پل وٽ پهچي پورهيتن کي راڄ واهه مان ڪڍي سول اسپتال جيڪب آباد منتقل ڪيو.بيهوش ٿيل پورهيتن ۾ افضل، طارق، طاهر، دلدار، افتخار، مصطفي، شڪيل، نواز، اصغر، نياز، سني ۽ محسن شيخ شامل آهن. بيهوش ٿيل پورهيتن مان ٻن پورهيتن کي ڳڻتي جوڳي حالت هجڻ سبب کين چانڊڪا اسپتال لاڙڪاڻو منتقل ڪيو ويو آهي. واضح رهي ته راڄ واهه ۾ شهر جي گهرن ۽ دڪانن جي گندي پاڻي جو ڇوڙ ڪيو ويندو آهي، جنهن جي وڏي عرصي کان صفائي ناهي ٿي.

About Asghar Azad

Check Also

ناري جي آبادگارن جو پاڻي کوٽ خلاف احتجاج

Share this on WhatsAppنارو( رپورٽر     سنڌسماءَچار) ناري ۾ چينل 214 جي آبادگارن پاڻي جي کوٽ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے