پیر , جون 25 2018

سينئر صحافي مدثر ڪلهوڙو بيماري وگهي اسپتال داخل،ڪنهن سار نه لڌي

ڪراچي(سنڌسماءَچار نيوز) سکر جي سينيئر صحافي مدثر ڪلهوڙي کي پيٽ ۾ ڳوڙهين جي تڪليف سبب جناح اسپتال جي آئي سي يو ميڊيڪل وارڊ ۾  داخل ڪيو ويو آهي، سڌ سماءَ واري کاتي سميت ڪنهن به اختياري سندس سار ناهي لڌي. سکر سان واسطو رکندڙ سينيئر صحافي مدثر ڪلهوڙي کي پيٽ ۾ ڳوڙهين سبب جناح اسپتال جي آءِ سي يو ميڊيڪل وارڊ ۾ داخل ڪيو ويو آهي. مدثر ڪلهوڙو گذريل ٻن ڏينهن کان اسپتال ۾ داخل آهي، جتي سندس علاج جاري آهي.

جناح اسپتال جي ڊاڪٽرز موجب صحافي مدثر ڪلهوڙي جون ٽيسٽون ٿينديون، جنهن بعد سندس باقاعده علاج شروع ڪيو ويندو. صحافي مدثر ڪلهوڙو جسم ۾ لڳاتار رت جي کوٽ سبب جسماني طور ڪافي ڪمزور ٿي ويو آهي، جنهن ڪري کيس هلڻ گهمڻ ۾ سخت تڪليف محسوس ٿي رهي آهي. واضح رهي ته سينئر صحافي مدثر ڪلهوڙو گذريل 15 سالن کان صحافت جي شعبي سان لاڳاپيل آهي ۽ هن صحافتي ڪيريئر دوران اليڪٽرانڪ توڙي پرنٽ ميڊيا جي ڪيترن ئي ادارن ۾ ڪم ڪيو آهي. مدثر ڪلهوڙي جي اسپتال ۾ حڪومتي،  توڙي ٻين ادارن ڪا به سار سنڀال ناهي لڌي. سنڌ جي سول سوسائٽي ۽ سماجي تنظيمن حڪومت کان گهر ڪئي آهي ته سينيئر صحافي جو علاج ڪرائي سندس حياتي بچائي وڃي.

About Asghar Azad

Check Also

سنڌ مان گم ٿيل ڪنهن شخص سان حادثو پيش آيو آهي ته اهو به ٻڌايو: چيف جسٽس ثاقب نثار

Share this on WhatsApp ڪراچي ( رپورٽر   سنڌسماءَچار) چيف جسٽس، جسٽس ثاقب نثار پاران سنڌ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے