پیر , مئی 21 2018

حيدرآباد ۾ ٽنڊو محمد خان روڊ تي حادثو، 11 ڄڻا فوت

حيدرآباد(خاص نمائندو سنڌسماءَچار) هُوسڙي واري علائقي ۾ ٽنڊو محمد خان روڊ تي تيز رفتار ڊمپر مسافرن سان ڀريل سوزوڪي پڪ اپ کي چٿاڙي ڇڏيو، حادثي جي نتيجي ۾ عورتن ۽ ٻارڙن سمييت 11 ڄڻن جي زندگين جا ڏيئا اجهامي ويا،5 ڄڻا زخمي ٿي پيا. ٽنڊو محمد خان روڊ تي ٽرڪ ۽ سوزوڪ-اپ وچ ۾ ٽڪر جي نتيجي ۾ عورتن سميت 11 ڄڻا ٿڏي تي ئي فوت ٿي ويا. حادثي جي نتيجي ۾ فوت ٿيلن ۾ ساجده، حنا، فريده، ريحانا، شبانا، صفيا، انيتا ڪولهي، ياسمين، نسرين، سوزوڪي ڊرائيور زبير احمد فوت ۽ 11 ورهين جي صدف ۽ ٻيا شامل آهن. حادثي جي زخمين ۾ 35 ورهين جي سائره ۽ 30 ورهين جي بشريٰ شامل آهن. فوتين جا لاش ۽ زخمين کي ايڌي رضاڪارن ۽ پوليس سول اسپتال حيدر آباد منتقل ڪيو. جتي ضروري قانوني ڪارروائي بعد مڙهه وارثن جي حوالي ڪيا ويا. زخمين جو علاج هلندڙ آهي جن مان ٻن جي حالت اڃا سوڌو ڳڻتي جوڳي آهي. حادثي ۾ فوتين ۽ زخمين بابت پوليس جو چوڻ آهي ته سمورا ماڻهو لطيف آباد جا رهواسي آهن ۽ هڪ نجي ڪمپني ۾ ڪم ڪندا هئا؛ جيڪي ٽنڊُ محمد خان وڃي رهيا هئا.

About Asghar Azad

Check Also

لاجواب حڪومت- بيمثال کاتو؛ درسي ڪتاب 13رپيا في ڪلو؟؟

Share this on WhatsApp ڪراچي (رپورٽر   سنڌسماءَچار) سنڌ جي تعليم کاتي جي لاجواب ڪارڪردگي منظر …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے