منگل , اپریل 24 2018
تازي خبر

نياڻي جو بي رحماڻو قتل، قصور شهر جا رهواسي سراپا احتجاج، پوليس غائب

قصور( سنڌ سماءَچار    مانيٽرنگ ڊيسڪ) قصور شهر ۾ ڪجهه ڏينهن اغوا بعد جنسي حوس جو نشانو بڻائي قتل ڪيل ساڍن ستن سالن جي معصوم نياڻي  جي قتل ۾ ملوث جوابدارن جي گرفتار نه ٿيڻ خلاف قصور وشهر جا واسي ٻئي ڏينهن به سراپا احتجاج بڻجي رستن تي نڪري پيا آهن. سوڳ ۾ تعليمي ادارا بند هجڻ ڪري اسڪولن ۽ ڪاليجز جا شاگرد به لٺيون باٺا کڻي رستن تي نڪتل آهن ۽ ڪاروباري مرڪز مڪمل طوور تي بند آهن.

نياڻي زينب جي قتل ۾ ملوث جوابدارن جي گرفتاري لاءِ شهرين پاران ٿيندڙ احتجاج جي ڪير به اڳواڻي نه ڪري رهيو آهي، ماڻهن جا هجوم پنهنجي منهن شهر ۾ گشت ڪري رهيا آهن ۽ ڀڃ ڊاهه ڪئي پئي وڃي. ميڊيا رپورٽس مطابق سڄي شهر ۾ ڪٿي به پوليس نظر نه ٿي اچي. رپورٽس مطابق گذريل رات جو لاهور جي ڪمشنر جي درخواست تي پنجاب جي گهرو کاتي قصور ۾ حالتن تي ضابطو رکڻ لاءِ رينجرز جي مقرري جي منظوري ڏئي ڇڏي هئي، پر لڳ اڃا تائين قصور شهر ۾ رينجرز به نظر نه پئي اچي. هر ماڻهو پنهنجي منهن احتجاج ڪري رهيو آهي ۽ ڀڃ ڊاهه جو سلسلو به جاري آهي.

نياڻي زينب جي اغوا بعد جنسي حوس جو نشانو بڻائي قتل ڪرڻ واري معاملي جي جاچ لاءِ گڏيل جاچ ٽيم/ جي آءِ ٽي جنهن ۾ پوليس سميت سمورن لاڳاپيل سيڪيورٽي ادارن جا عملدار ۽ اهلڪار شامل آهن، ان پنهنجو ڪم شروع ڪري ڇڏيو آهي. ٻڌايو پيو وڃي ته قيور جي مقرر لڪيل نئين ڊي پي جي سربراهي ۾ به هڪ اجلاس ٿي رهيو آهي، جنهن بعد ان ۾ جي آءِ ٽي ٽيم جا ٻيا ميمبر به شريڪ ٿيندا. اجلاس ۾ قصور ۾ احتجاج کي پرامن رکڻ لاءِ حڪمت ٿملي جوڙي ويندي.

About Asghar Azad

Check Also

عورتن جو عالمي ڏينهن، سڄي سنڌ ۾ تقريبون ريليون

Share this on WhatsApp ڪراچي/لاڙڪاڻو/سکر/خيرپور( سنڌ سماءَ چار  مانيٽرنگ ڊيسڪ) ڪراچي سميت سنڌ جي مختلف …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے