ہفتہ , نومبر 25 2017
تازي خبر

ايڌي سينٽر ٺٽو سيل ٿيڻ خلاف بک هڙتال جاري

ٺٽي ۾ ايڌي سينٽر جي تالابندي خلاف شهرين 17هين ڏينهن به احتجاج جاري رکندي، علامتي بک هڙتال ڪئي، جڏهن ته ايڌي فائونڊيشن جي سربراهه فيصل ستار ايڌي پڻ ٺٽي پهچي شهرين جي احتجاج ۾ شرڪت ڪئي. سياسي، سماجي تنظيمن ۽ ايڌي بچايو ايڪشن ڪميٽي جي اڳواڻن ناٿو بروھي، نظير جاکرو، ڀورو سرڪي، اسحاق خشڪ ۽ ٻين جي اڳواڻي ۾شهرين 17 هين ڏينهن به ايڌي سينٽر اڳيان قائم ڪيل ڪئمپ تي علامتي بک هڙتال ڪئي. ايڌي فائونڊيشن جي سربراهه فيصل ستار ايڌي پڻ ڪئمپ تي پهچي شهرين سان گڏ علامتي بک هڙتال تي ويهي احتجاج ڪيو.

ان موقعي تي فيصل ستار ايڌي چيو ته ٺٽي ۾ ايڌي مرڪز جي تالابندي سبب فلاحي سرگرميون متاثر ٿي رهيون آھن، پر عوام جي ڀلائي خاطر سروس ڪنھن به صورت ۾ بند نه ڪنداسين، سينٽر جي تالا بندي خلاف قانوني جنگ ڪئي ويندي. هن وڌيڪ چيو ته ٺٽي ۾ ايڌي سينٽر 40 سال اڳ حڪومت جي اجازت سان سرڪاري پلاٽ تي قائم ڪيو ويو ھو. هن جو وڌيڪ چوڻ هو ته لينڊ مافيا طرفان ڪوڙا ڪاغذ ٺهرائي ايڌي سينٽر تي مالڪي جي دعويٰ ڪئي پئي وڃي، جنهن کي رد ڪيون ٿا.

About Asghar Azad

Check Also

چانڊڪا اسپتال ۾ 2 ڪروڙ رپين جي ڪرپشن، اي ايم ايس ڊاڪٽر اعجاز شيخ گرفتار

Share this on WhatsApp لاڙڪاڻو (سنڌسماءَچار نيوز) ايف آءِ اي چانڊڪا اسپتال اسپتال جو اي …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے