منگل , اکتوبر 24 2017
تازي خبر

وڏي گهر جيڏو خلائي پٿر اسان جي ڌرتيءَ جي ويجهو گذرڻ وارو آهي

هڪ وڏي گهر جيڏو خلائي پٿر اڄ اسان جي ڌرتيءَ جي ويجهو گذرڻ وارو آهي ۽ سائنسدانن ان منظر جو مشاهدو ڪرڻ لاءِ سموريون تياريون مڪمل ڪري ورتيون آهن. آمريڪي خلائي اداري ناسا جي سائنسدانن چوڻ آهي ته خلائي پٿر اڄ ڌرتيءَ کان 26 هزار ميلن جي فاصلي وٽان گذرندو. ڪيليفورنيا ۾ ڌرتيءَ کي ويجهن خلائي وجودن جي اڀياس لاءِ ناسا پاران قائم ڪيل سينٽر جي مئنيجر پال ڪوڊاس جو چوڻ آهي ته خلائي پٿر جي ڌرتيءَ جي ويجهو گذرڻ واري عمل جو مشاهدو ڪرڻ سان اسان کي خلائي پٿرن بابت پنهنجي وارننگ سسٽم کي وڌيڪ بهتر ڪرڻ جو  موقعو ملندو. هن چيو ته اڄ ڌرتيءَ جي ويجهو گذرندڙ ايسٽروئيڊ يعني خلائي پٿر جا ڌرتيءَ تي ڪي به ناڪاري اثر پوڻ جا امڪان نه آهن.

خلائي ماهرن موجب ٽي سي فور نالي اهو خلائي پٿر پهريون ڀيرو 5 سال اڳ ڏٺو ويو هو. ان پٿر جي سائيز 50 کان هڪ سئو فوٽ تائين آهي ۽ ان جي ڌرتيءَ ڀرسان گذرڻ واري عمل مان انسان کي ڪو به خدشو يا خطرو درپيش نه آهي. پال ڪوڊاس جو چوڻ آهي ته سڀاڻي خلائي پٿر جي اڀياس سان اهو سمجهڻ ۾ به مدد ملندي ته ڪنهن خلائي پٿر جي ڌرتيءَ سان ٽڪرائجڻ جي صورت ۾ ان جي اڳواٽ آگاهي توڙي حفاظتي انتظام ڪيئن ڪرڻ گهرجن.

About Asghar Azad

Check Also

گٽرن جو فضلو مليل پاڻي- سنڌ واسي خطرناڪ نورووائرس Norovirus جي مرض جو شڪار ٿي سگهن ٿا

Share this on WhatsApp سنڌ واسي خاص طور تي شهرن ۾ رهندڙ ماڻهو گٽرن جو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے