ڪراچي(رپورٽر سنڌسماءَچار) ڪراچي جي ڊفينس واري علائقي ۾ پوليس ڪارروائي ڪري گاڏيون چوريون ڪندڙ زال مڙس کي گرفتار ڪري ورتو، ايس پي ڪلفٽن سهائي عزيز چيو ته گرفتار عورت خانگي چينل ۾ نيوز ڪاسٽر رهي چڪي آهي. پريس ڪانفرنس ڪندي ايس پي ڪلفٽن سهائي عزيز چيو ته جوابدار آئيس جو نشو به ڪندا آهن، گرفتار عورت جو مڙس به ميڊيا ۾ ڪم ڪري چڪو آهي. هن چيو ته گرفتار جوابدار علي جي نالي سان مشهور آهي، جوابدارن وٽان گذري مان چوري ڪيل گاڏي به هٿ ڪئي وئي آهي. هن چيو ته گرفتار جوابدار وٽان بيٽريون ۽ هٿيار به مليو آهي، وڌيڪ جاچ ڪئي پئي وڃي. ايس پي سهائي عزيز چيو ته جوابدارن کي 17 مهينن جي ڌيءَ آهي جيڪا عورت جي والدين وٽ آهي.
Check Also
جسٽس قاضي فائز عيسيٰ جَي چيف جسٽس ٿيڻ تي هنبوشين جي موسم ۽ سنڌ
ها؛ چيف جسٽس قاضي فائز عيسيٰ جي هڪڙي ڳالهه وڻي اُها سچ ڏاڍي وڻي؛ اها …