سنڌسماءَچار
Related Articles
سنڌ جو گهرو وزير مقرر ٿهيڻ بعد سنڌ سرڪار ۽ آءِ جي سنڌ الھ ڏنو خواجا وچ ۾ هلندڙ سرد جنگ هاڻي ميڊيا ذريعي منظر تي اچي وئي آهي، گهرو وزير سهيل انور سيال چيو آهي ته آءِ جي سنڌ آءِ جي سنڌ سندس ماتحت يعني گهرو کاتي جي سيڪريٽري جو به ماتحت آهي.
سنڌ جي گهرو وزير ۽ پ پ ايم اين اي فريال ٽالپر جو انتهائي ويجهو ۽ اعتماد جوڳو سمجهيو ويندڙ سهيل انور سيال گهرو کاتي جو قلمدان سنڀالڻ بعد پنهنجي آفيس ۾ سڏايل پوليس آفيسرز جي گڏجاڻي لاءِ آءِ جي سنڌ اي ڊي خواجا کي دعوت ئي نه ڏني. آفيسرن سان گڏجاڻي بعد پريس ڪانفرنس ڪندي، سنڌ جي گهرو وزير سهيل انور سيال چيو ته، جيڪڏهن آءِ جي سنڌ ڪو به اجلاس سڏايو ته هُو ڪنهن به آفيسر کي ان گڏجاڻي م شرڪت ڪرڻ کان نه روڪيندي.
سهيل انور سيال جو چوڻ هو ته، سنڌ جو آءِ جي اڄ اي ڊي خواجا آهي ته سڀاڻي ڪو ٻيو هوندو آفيسر اچڻا وڃڻا هوندا آهن. آءِ جي سنڌ ته سندس ماتحت جو به ماتحت آهي. جيڪڏهن آءِ جي صوبي کان ٻاهر ڪنهن به ڪم سانگي ويو آهي ته هُو لازمي طور اطلاع ڪري ويو هوندو. صوبائي گهرو وزير چيو پريس ڪانفرنس دوران مختلف سوالن جا جواب ڏيندي چيو ته، اسد کرل جيڪڏهن ڪا به ڪرپشن ڪئي آهي ته ان خلاف ڪارروائي ڪرڻ ڪنهن به ڪنهن کي ناهي روڪيو ان کي گرفتار ڪري سگهجي ٿو.
