مني لانڊرنگ ڪيس:اومني گروپ پوڻان4 ارب ۽ آصف زرداري جي اڪائونٽ ذريعي پوڻان ٻه ڪروڙ منتقل ٿيا

Related Articles

سنڌ جي تاريخي ۽ تفريحي ماڳ ڪينجهر ڍنڍ جي زمين تي والار جاري

1 day ago

بحريا ٽائون ڪراچي پاران سنڌ جي زمينن جي رقم وفاق ۽ سنڌ جي خزاني ۾ جمع ڪرائڻ جو حڪم

November 24, 2023

سنڌ سوال ڪري ٿي!! سنڌسماءَچار اليڪشن سيل2024

November 9, 2023

اسلام آباد ( رپورٽر    سنڌسماءَچار) سمٽ بئنڪ جي جعلي اڪائونٽس اسڪينڊل ۾ انور مجيد جي اومني گروپ ۽ آصف زرداري جي ڪمپنين جي اڪائونٽس ذريعي 4 ارب 34 ڪروڙ 70 لک رپين جي غير قانوني طريقي سان منتقل ڪئي وئي، مني لانڊرنگ ڪيس ۾ رقم جي غير قانوني منتقلي بابت ايف آءِ اي پاران سپريم ڪورٽ ۾ جاچ جي اڳڀرائي ٿي آهي، رپورٽ ۾ چيو ويو آهي ته، زرداري گروپ آف ڪمپنيز ۽ اومني گروپ آف ڪمپنيز جي اڪائونٽس ذريعي 3 ارب  90 لک رپيا منتقل ڪيا ويا. سپريم ڪورٽ ۾ مني لانڊرنگ ڪيس جي شنوائي دوران فيڊرل انويسٽيگيشن اٿارٽي جي ڊي جي بشير ميمڻ جعلي اڪائونٽس ذريعي مني لانڊرنگ ڪيس جي جاچ رپورٽ سپيرم ڪورٽ ۾ پيش ڪئي.

سپريم ڪورٽ ۾ ڊي جي ايف آءِ اي بشير ميمڻ پاران پيش ڪيل رپورٽ جي انگن اکرن مطابق سمٽ بئنڪ جعلي اڪائونٽس اسڪينڊل ۾ آصف زرداري ۽ سندس ويجهي دوست انور مجيد جي اومني گروپ جي اڪائونٽس ذريعي 4 ارب 34 ڪروڙ 70 لک رپيا مني لانڊرنگ ذريعي ڏيساور منتقل ڪيا ويا. سپريم ڪورٽ ۾ پيش ڪيل ايف آءِ اي جي رپورٽ ۾ ۾ چيو ويو آهي ته، انور مجيد جي اومني گروپ کي 3 ارب 90 لک رپيا غير قانوني طريقي سان رقم منتقل ٿي. رپورٽ موجب اڳوڻي صدر ۽ پ  پ پ جي شريڪ چيئرمين آصف زرداري جي ذاتي اڪائونٽ ۾ هڪ ڪروڙ 88 لک رپيا جمع ڪرايا ويا. آصف زرداري ان رقم جي سندس اڪائونٽ ۾ منتقلي بابت ڪڏهن به ڪا شڪايت نه ڪئي هئي.