سنڌسماءَچار
Related Articles
حيدر آباد: صدر ممنون حسين، بيگم ڪلثوم نواز، سيد شاهه محمد شاهه ۽ امداد چانڊيو خلاف فوج خلاف ڳالهائڻ ۽ ملڪي سلامتي خلاف داخل دهشتگردي ايڪٽ تحت 17 سال اڳ ڪينٽ ٿاڻي تي داخل ڪيل ايف آءِ آر اوچتو منظر عام تي اچي وئي آهي.
نااهل ٿيل اڳوڻي وزيراعظم جي گهر واري بيگم ڪلثوم نواز خلاف 17 سال اڳ حيدرآباد ۾ جلسي کي خطاب دوران قومي سلامتي خلاف تقرير ڪرڻ وارو ڪيس منظر تي اچي ويو آهي، سرڪار جي مدعيت ۾ داخل ڪرايل ايف آءِ آر ۾ هاڻوڪي صدر ممنون حسين، تهمينا دولتانا، شاهه محمد شاهه، اسماعيل راهو ۽ سيد علي بخش عرف پپو شاهه سميت 14 ڄڻا نامزد ڪيا ويا هئا.
بيگم ڪلثوم نواز خلاف حيدر آباد جي ڪينٽ ٿاڻي تي فوج ۽ قومي سلامتي خلاف تقرير ڪرڻ جي الزام هيٺ داخل ڪرايل ڪيس ٻيهر منظرعام تي اچي ويو آهي. 17 سال اڳ 20 هين مارچ 2000 تي حيدرآباد جي ڪينٽ ٿاڻي تي سرڪاري مدعيت ۾ داخل ڪرايل ايف آءِ آر ۾ هاڻوڪي صدر ممنون حسين، تهمينا دولتانا، شاهه محمد شاهه، اسماعيل راهو، امداد چانڊيو ۽ سيد علي بخش عرف پپو شاهه سميت 14 ڄڻا نامزد ڪيا ويا هئا. پوليس ذريعن جو چوڻ آهي ته بيگم ڪلثوم نواز ۽ ن ليگ جي ٻين اڳواڻن خلاف دهشتگردي ايڪٽ تحت ايف آءِ آر داخل ڪئي وئي هئي، جنهن ۾ قومي سلامتي ۽ پاڪ فوج خلاف ڳالهائڻ سميت ٻيا الزام لڳايا ويا هئا.
ڪينٽ ٿاڻي جي تڏهوڪي انسپيڪٽر حامد ٿهيم جي فرياد تي داخل ايف آءِ آر ۾ ٻين اڳواڻن سان گڏ صدر ممنون حسين، اڳوڻو صوبائي صلاحڪار ۽ ن ليگ اڳواڻ سيد شاهه محمد شاهه، اڳوڻو صوبائي وزير سيد علي بخش شاهه عرف پپو شاهه سميت 14 اڳواڻ شامل آهن. پوليس ذريعن جو چوڻ آهي ته 20 مارچ 2000ع ۾ داخل ڪرايل ڪيس هن وقت به اوپن آهي، جنهن جي جاچ ۾ ڪا اڳڀرائي نه ٿي سگهي آهي، ڪيس سرڪاري مدعيت ۾ داخل آهي، ان جي قانوني حيثيت بحال آهي. ياد رهي ته بيگم ڪلثوم نواز تڏهوڪي ن ليگ سنڌ جي اڳواڻ الهه بخش مگسي جي دعوت تي سندس حيدر آباد واري بنگلي مگسي هائوس ۾ هڪ جلسي کي خطاب ڪيو هو. رئيس الهه بخش مگسي جي ڌيءُ راحيله مگسي هن وقت ن ليگ جي سينٽر آهي.
