سنڌسماءَچار
Related Articles
نوجوان کي اغوا بعد نازڪ عضوون سميت سڄي جسم تي جهير ڏئي مئل ڄاڻي اڇلائي ويا، خيرپور ۾ وحشي جوابدارن انسانيت جا ليڪا لتاڙي ڇڏيا
خيرپور (خاص نمائندو سنڌسماءَچار) خيرپور جي پوليس ٽريننگ سينٽر واري علاقئي ۾ اڻسڃاتل جوابدارن انسانيت جا ليڪا لاتڙيندي هڪ نوجوان کي اغوا ڪري سندس جسم تي جهير ڏئي مُئل سمجهي اڇلائي ويا، واٽهڙوئن نوجوان کي اسپتال پهچايو، سندس نازڪ عضوون تي به جهير ڏنا ويا. ڳوٺ جان محمد جانوري جي رهواسي نوجوان عبيدالله ولد حبيب الله گهانگهري کي زخمي ۽ بيهوشي جي حالت ۾ سول اسپتال خيرپور ۾ داخل ڪرايو ويو. پوليس جو چوڻ آهي ته نوجوان کي ڌمڪين ملڻ واري اين سي اي سيڪشن ٿاڻي تي داخل ٿيل آهي. زخمي نوجوان جي والد حبيب الله جانوري جو چوڻ آهي ته جوابدار اصغر چانڊيو ۽ سندس ٽن ساٿين عبيدالله کي شام ڌاري اغوا ڪيو ۽ کيس تشدد جو نشانو بڻائڻ بعد سندس ڳلو ڪپي ڇڏيو. هن ٻڌايو ته جوابدار سندس پٽ کي زخمي ڪرڻ ڦٽو ڪرڻ بعد فرار ويا، اتان گذرندڙ ماڻهن ڪار ۾ کيس کڻي اسپتال پهچايو آهي. هن چيو ته اصغر چانڊيو واري ڌر سندس دشمني آهي، جنهن تان هڪ سال اڳ به سندس پٽ کي تشدد جو نشانو بڻايو ويو هو، اعليٰ اختياريون نوٽيس وٺي انصاف ڪن ۽ جوابدارن کي گرفتار ڪري انصاف ڏياريو وڃي.
