جسٽس رٽائرڊ ناصرالملڪ نگران وزيراعظم نامزد، پ پ ۽ ن ليگ جو گڏيل اعلان

اسلام آباد (خصوصي نمائندو سنڌسماءَچار) ن ليگ ۽ پيپلز پارٽي وچ ۾ نگران وزيراعظم جي نالي تي اتفاق ٿي ويو آهي. پاڪستان جو نگران وزيراعظم، سپريم ڪورٽ جو اڳوڻو چيف جسٽس، جسٽس رٽائرڊ ناصرالملڪ هوندو، وفاقي ڪابينا جو اعلان نگران وزيراعظم ڪندو. وزيراعظم شاهد خاقان عباسي ۽ مخالف ڌر جي اڳواڻ سيد خورشيد شاهه اسلام آباد ۾ گڏيل پريس ڪانفرنس ڪندي نگران وزيراعظم جو اعلان ڪري ڇڏيو آهي. وزيراعظم شاهد خاقان عباسي پريس ڪانفرنس ڪندي چيو ته نگران وزيراعظم بابت جيڪي به نالا تجويز ڪيا ويا اُهي سڀ احترام جي لائق آهن. انهن جو سڀني وٽ احترام آهي. هن چيو ته، اها جمهوريت جي ڪاميابي آهي جو اسيمبليون پنهنجو آئيني مدو مڪمل ڪري رهيو آهن ۽ نگران وزيراعظم جي نمازدگي به جمهوري ۽ آئيني طريقي سان ڪئي وئي آهي. شاهد خاقان عباسي چيو جسٽس رٽائرڊ ناصرالملڪ تي مخالف ڌر جي ڪنهن به پارٽي کي اعتراض نه هوندو، هُو غير تڪراري شخص آهي.

گذريل ڏينهن (ڇنڇر 27 مئي) تي سنڌ سماءَ چار جي خبر پڙهي سگهو ٿا

نگران وزيراعظم جو مامرو، ن ليگ ۽ پ پ ۾ معاملا سڌا ٿي ويا!!