Friday , March 29 2024

ڪراچي ۾ رهائشي عمارتن مان ختم ڪيل پارڪنگ ايريا بحال ڪرائڻ جو فيصلو

ڪراچي(رپورٽ: اصغر آزاد  سنڌسماءَچار) سنڌ حڪومت پاران ڪراچي جي اڪثر علائقن جي رهائشي ۽ ڪمرشل پلازائن ۾ پارڪنگ لاءِ مخصوص ڪيل جاءِ کي ختم ڪري مارڪيٽس ۽ دوڪان يا وري هيلٿ اينڊ جمز سينٽرز قائم ڪيا ويا آهن انهن خلاف ڪارروائي ڪري خالي ڪرائڻ جو فيصلو ڪيو ويو آهي، ان سلسلي ۾ چيف سيڪريٽري سيد ممتاز علي شاهه جي صدارت هيٺ ٿيل اجلاس ۾ به ان مامري تي ويچاريو ويو آهي. چيف سيڪريٽري ممتاز علي شاهه جي صدارت هيٺ شهر ۾ ٽريفڪ پلان بابت اجلاس ٿيو جنهن ۾ ڪمشنر ڪراچي افتخار شيلواني، ايڊيشنل آءِ جي امير شيخ، ڊي آءِ جي ٽريفڪ سميت ٻين عملدارن شرڪت ڪئي.

اجلاس ۾ ڊي آءِ جي ٽريفڪ بريفنگ ڏيندي ٻڌايو ته شهر ۾ وڏين عمارتن ۾ پارڪنگ لاءِ مخصوص ڪيل جاءِ تي غيرقانوني طور دڪان قائم ڪيا ويا آهن. چيف سيڪريٽري چيو ته جن عمارتن ۾ پارڪنگ جي جاءِ تي دڪان قائم ڪيا ويا آهن، انهن خلاف سخت ڪارروائي ڪئي وڃي. هن چيو ته شهر ۾ موجود پارڪنگ پلازه کي فعال ڪيو وڃي ۽ ٽريفڪ جو مسئلو حل ڪرڻ لاءِ مختلف علائقن ۾ پارڪنگ لاءِ خاص جاءِ مقرر ڪئي وڃي. چيف سيڪريٽري ممتاز علي شاهه چيو ته ٽريفڪ مسئلو حل ڪرڻ لاءِ شهر جي سمورن روڊن تي ٽريفڪ سگنل بحال ڪيا وڃن ۽ روڊن تي گڏين جون لائينز ٺاهيون وڃن.

About Asghar Azad

Check Also

هُنن جي چاهڻ سان نه پر جڏهن مان چاهيان اليڪشن ٿيندي،معاشيات جو وڏو مطالعو ڪيو آهي: آصف زرداري

ڪراچي ( مانيٽرنگ ڊيسڪ   سنڌسماءَچار) “مان 14 سال جيل ۾ معاشيات جو وڏو مطالعو ڪيو …

Leave a Reply

Your email address will not be published. Required fields are marked *