Thursday , March 28 2024

سينيٽ چونڊون، پنجاب مان پي ٽي آءِ جو چوڌري سرور کٽي ويو، ڪي پي مان سميع الحق هارائي ويو ۽ پ پ جا 2 اميدوارڪامياب

ڪراچي (سنڌ سماءَ چار نيوز) سينيٽ جي چونڊن ۾ پنجاب ۽ ڪي پي اسيمبلين ۾ 3 وڏا اپ- سيٽ ٿيا آهن. ڪي پي اسيمبلي مان پي ٽي آءِ جو نامزد اميدوار جي يو آءِ (س) جو سربراهه ۽ تحريڪ انصاف جي ويجهي ساٿي مولانا سميع الحق کي ناڪامي ٿي آهي. مولانا سميع الحق کي رڳو 3 ووٽ ملي سگهيا آهن. ٻي طرف سينيٽ جي چونڊڻ ۾ پنجاب اسيمب لي ۾ به ن ليگ کي وڏو چچڪو لڳو آهي. پنجاب ۾ سينيٽ جي چونڊن ۾ پي ٽي آءِ جو مرڪزي اڳواڻ ۽ پنجاب جو اڳوڻو گورنر چوڌري سرور سينيٽر چونڊجي ويو آهي. پي ٽي آءِ جي اميدوار چوڌري سرور کي پنجاب م،ان سڀ کان وڌيڪ ووٽ به مليا آهن. جنهن تي ن ليگ ۾ وڏي ڪاوڙ پکڙيل آهي.چوڌري سرور کي سينيٽ جي چونڊن ۾ ڪاميابي لاءِ گهربل 40 ووٽن بدران 44 ووٽ مليا، جنهن تي پي ٽي آءِ ۾ خوشي جي لهر ڇانيل آهي.

ڪي پي اسيمبلي ۾ وري هڪ ٻيو وڏو اپ – سيٽ اهو به ٿيو آهي ته، خيبر پختونخواه اسيمبلي مان پاڪستان پيپلز پارٽي جا 2 سينيٽرز چونڊجي ويا آهن، جتي وري پي ٽي آءِ کي پريشاني وڪوڙي وئي آهي.

About Asghar Azad

Check Also

جسٽس قاضي فائز عيسيٰ جَي چيف جسٽس ٿيڻ تي هنبوشين جي موسم ۽ سنڌ

ها؛ چيف جسٽس قاضي فائز عيسيٰ جي هڪڙي ڳالهه وڻي اُها سچ ڏاڍي وڻي؛ اها …

Leave a Reply

Your email address will not be published. Required fields are marked *